धारापानीमा भीषण आगालागी

– प्रेमनारायण आचार्य

अर्घाखाँची १५ बैसाख । अर्घाखाँचीको धारापानी गाविसको वाड न. ९ राईखन्नेमा आज भीषण आगालागी हुदा २० लाख भन्दा बढीको क्षती भएको छ । आगालागीबाट स्थानीय बासिन्दाका ८ घर र गोठ जलेर नष्ट भएका छन् ।

आगालागीबाट स्थानीय बलबहादुर नेपाली मोती घम छबीलाल घम र जगत बहादुर नेपालीका घर र गोठ गरि ८ घर र गोठ जलेर नष्…ट भएको छबिलाल भुसालले बताएका छन् ।

आगो स्थानीय बासिन्दाले लामो प्रयास पछि नियन्त्रणमा लिएका छन् । आगालागीमा घरमा रहेका लत्ता कपडा अन्नपात नगद जिन्सी १ वटा भैसी र ३ वटा बाख्रा समेत मर्दा कुल २० लाख बराबरको क्षती भएको स्थानीय बासिन्दाले बताएका छन् । आगो कसरि सल्किएको हो भन्ने बारेमा थाहा हुन सकेको छैन ।