जेष्ठ १२ गते, २०६९ मा प्रकाशितकाठमाडौ – संयुक्त राष्ट्र संघका महासचिव वानकी मुनले नेपालको संविधान निर्माणप्रति गहिरो चासो व्यक्त गरेका छन् । वानले बिहीबार राति वक्तव्य जारी गर्दै बाँकी रहेको अवधिमा संविधान निर्माणका लागि सक्दो प्रयास गर्न प्रमुख दलका नेतालाई अपिल गरेका छन् ।
उनले संविधानसभाको भविष्यबारे गम्भीर चासो व्यक्त गर्दै संविधान जारी नगरी संविधानसभा विघट्न हुने सम्भावना तर्फ गहिरो चिन्ता व्यक्त गरेका छन् । वानले संविधान निर्माणको एतिहासिक अवसरलाई सदुपयोग गरी नयाँ संविधान मार्फत लामो समयदेखिको नेपाली जनताको चाहना पूरा गर्न तर्फ लाग्न दलहरुलाई आग्रह गरेका छन् । दलहरुबीच संविधान निर्माणका लागि ठोस सहमति जुट्न नसकिरहेको बेला राष्ट्रसंघले संविधान निर्माण र संविधानसभाको म्याद बारे चासो राखेको छ । RSS
अन्य समाचारहरु
