संविधान जारी गर्ने अन्तिम दिन जेठ १४ आउन केही घण्टाहरु मात्र बाँकी रहेका बेला राजधानीलगायत मुलुकका प्रमुख शहरहरुमा सुरक्षा व्यवस्था कडा बनाइएको छ ।
यो समयमा विभिन्न पक्षहरु आन्दोलनमा रहेको र यसले कुनै दुर्घटना नहोस् भन्नेमा सचेत रहँदै सरकारले सुरक्षा कडा बनाएको हो ।
अखण्ड नेपाल तथा विभिन्न जातिय राज्यको माग गर्दै पक्ष र विपक्षमा आन्दोलन भइरहेका बेला कुनैपनि समय मुलुक तनावमा नफसोस् भनेर यो सचेतता अपनाइएको हो ।
संविधानसभा भवन नयाँ बानेश्वर परिसरमा मात्र हजारभन्दा बढी सुरक्षाकर्मी परिचालन गरिएको छ ।
सरकारले काठमाडौंमा मात्रै करिब १० हजार सुरक्षाकर्मी परिचालन गरेको छ । जसमा नेपाल प्रहरीका ६ हजार पाँच सय र सशस्त्र प्रहरीका तीन हजार जना छन् । आवश्यकता अनुसार यो संख्या पनि बढाउन सकिने सुरक्षा निकायका प्रमुखहरुले बताएका छन् । RSS
जेष्ठ १३ गते, २०६९ मा प्रकाशित
