संविधानसभाको विघटनसंगै १९ दलले आन्दोलनको घोषणा, जेठ २६ गते सरकार विरुद्ध खुलामंचमा बिरोधसभा गर्ने

काठमाडौ, – संविधानसभाको विघटनसंगै प्रधानमन्त्री बाबुराम भट्टराईले गरेको नयाँ निर्वाचनको घोषणा असंवैधानिक भएको भन्दै त्यसको बिरोध गर्दै आएको कांग्रेस-एमाले सहित १९ दलले आन्दोलनको घोषणा गरेको छ । जेठ २६ गते सरकार विरुद्ध खुलामंचमा बिरोधसभा गर्ने तय भएको छ ।

शुक्रबार एमाले मुख्यालय बल्खुमा बसेको १९ दलको बैठकले राष्ट्रिय सहमतिको सरकारको माग गर्दै देशव्यापी शान्तिपूर्ण बिरोध प्रदर्शनमा उत्रिन आम जनसमूदायमा आह्वान समेत गरेको छ । प्रधानमन्त्रीले सहमतीय सरकारका लागि बाटो खुला गर्नुपर्ने बैठकले माग गरेको छ । १९ दलले संयुक्त रुपमा विज्ञप्ती जारी गर्दै वर्तमान सरकारलाई हटाई अन्तरिम संविधानको मर्म र भावना अनुसार नयाँ राष्ट्रिय सहमतिको सरकार गठन हुनुपर्ने माग गरेको छ । विज्ञप्तीम भनिएको छ-‘प्रधानमन्त्रीले सत्ताकब्जाको गलत मनसाय एवम् संविधान, कानून, प्रक्रिया र सहमतिको राजनीति विपरित स्वेच्छाचारी किसिमले गर्नुभएको संविधानसभाको निर्वाचन हुनसक्ने अवस्था नै छैन ।’

नयाँ संविधानको घोषणा नहुँदै जेठ १४ गते मध्यरातिबाट संविधानसभाको विघटन भएको थियो । संविधानसभा विघटन हुनै लाग्दा प्रधानमन्त्री भट्टराईले आगामी मसिंर ७ गतेका लागि नयाँ संविधानसभा निर्वाचनको घोषणा गरेका थिए । दलहरुबीचको सहमति बिना गरिएको निर्वाचन घोषणा अन्तरिम संविधान विपरीत रहेको भन्दै त्यही दिनदेखि कांग्रेस एमाले लगायतका दलहरुले त्यसको बिरोध गर्दै आएको छ ।

संयुक्त वक्तव्य

नेकपा (एमाले) केन्द्रीय कार्यालय, मदननगर बल्खुमा आज बसेको विभिन्न १९ राजनीतिक दलहरुको बैठकले संविधान घोषणा नगरीे संविधानसभाको विघटन र निर्वाचनको घोषणापश्चात् उत्पन्न राजनीतिक स्थितिको गम्भीररुपमा समीक्षा गर्‍यो । संविधानसभामा भएका महत्वपूर्ण कामहरुलाई सुरक्षित राख्दै राजनीतिक सहमतिको आधारमा संवैधानिक रिक्तता र राजनीतिक संकट आउन नदिई अगाडि बढ्न सकिने विभिन्न विकल्पहरु हुादाहुादै प्रधानमन्त्रीले सत्ताकब्जाको गलत मनसाय एवम् संविधान, कानून, प्रक्रिया र सहमतिको राजनीति विपरित स्वेच्छाचारी किसिमले गर्नुभएको संविधानसभाको निर्वाचन हुनसक्ने अवस्था नै छैन । राजनीतिक दलहरुसाग कुनै परामर्श नगरी तथा संविधानसभाका अध्यक्ष एवम् राजनीतिक दलहरुले संविधानसभामा भएका उपलब्धिहरुको रक्षा गर्दै देशलाई रिक्ततामा जान नदिन गरेकोे प्रस्तावलाई समेत अस्वीकार गरी एकलौटीरुपमा निर्वाचनको घोषणा गर्नु संविधान र राजनीतिक दलहरुका बीच भएका सहमतिको विरुद्ध रहेको छ र यसले राष्ट्रिय राजनीतिलाई सहमतिको मार्गबाट द्वन्द्व र मुठभेडको कुमार्गतर्फ धकेलेको छ । निर्वाचनको लागि आवश्यक संवैधानिक व्यवस्था तथा कानूनीलगायतका व्यवस्थापन पक्षप्रति पनि पूर्ण बेवास्ता गर्दै संविधानसभाको निर्वाचन घोषणामार्फत सत्तामा टाासिरहने चालबाजी गरिएको छ । यसबाट विभिन्न आदिवासी जनजाति, महिला, दलित, मधेसी, मुस्लिम, थारु, अल्पसंख्यक, पछि पारिएका वर्ग, क्षेत्र र समुदायको संविधानसभामार्फत संघीय लोकतान्त्रिक गणतन्त्र नेपालको नयाा संविधान जारी गरी आफ्नो हक-अधिकार सुरक्षित गर्ने आकांक्षामाथि तुषरापात भएको छ । प्रधानमन्त्री र एनेकपा (माओवादी) को नेतृत्वबाट भएको यस्तो गैरजिम्मेवार निर्णयको हामीले भत्र्सना गरिसकेका छौं ।

प्रधानमन्त्री केबल कामचलाउ अवस्थामा रहेको तथ्य स्पष्ट भइसकेको अवस्थामा देशलाई अझ संकटतर्फ नधकेल्न राष्ट्रिय सहमतिका साथ सरकार संचालन गर्नुपर्ने संवैधानिक प्रावधानलाई समेत ध्यान दिदै वर्तमान सरकारलाई हटाई अन्तरिम सरकारको मर्म र भावनाअनुरुप नयाा राष्ट्रिय सहमतिको सरकार गठन गरी देशमा उत्पन्न संवैधानिक र राजनीतिक समस्यालाई राजनीतिक सहमतिका साथ समाधान गर्नुपर्छ । संविधान तथा राजनीतिक दलहरुका बीच विगतमा भएका सहमतिहरुअनुरुप राष्ट्रिय सहमतिको आधारमा मात्र राजनीतिक गतिरोधको अन्त्य गरी देशलाई निकास दिन सकिने कुरा स्पष्ट छ । यसतर्फ पूर्णरुपले बेवास्ता गर्दै सर्वसत्तावादी सोंच र शैलीका साथ अनेकौं छलकपटमा रहेको यस सरकारका विरुद्ध हामी निरंकुशता र सत्ताकब्जा रोकी लोकतन्त्रको रक्षा गर्न, नयाा संविधान निमार्णको संवैधानिक निकास दिन र राष्ट्रिय राजनीतिलाई सहमतिको दिशामा फर्काउने गरी अघि बढ्न देशव्यापीरुपमा शान्तिपूर्ण संघर्षमा उत्रिन आम जनमुदायमा हामी हार्दिक आव्हान गर्दछौं । यसै सिलसिलामा यही जेठ २६ गते काठमाडौं खुलामञ्चमा हुने विशाल विरोधसभामा सहभागी हुन सम्पूर्ण जनसमुदायमा हार्दिक अनुरोध गर्दछौं ।

संघर्षका अन्य कार्यक्रमहरु क्रमिकरुपमा अगाडि सार्न सहमत भएका छौं ।

संयुक्त वक्तव्यमा हस्ताक्षर गर्नेहरु

१ नेपाली का‌ग्रेस सुशील कोइराला सभापति

२ नेकपा (एमाले) झलनाथ खनाल अध्यक्ष

३ राष्ट्रिय जनशक्ति पार्टी सूर्यबहादुर थापा अध्यक्ष

४ राष्ट्रिय प्रजातन्त्र पार्टी पशुपतिशम्शेर ज.ब.रा अध्यक्ष

५. नेकपा (माले) सी.पी. मैनाली महासचिव

६ जनमोर्चा, नेपाल साध्यबहादुर भण्डारी महासचिव

७. चुरेभावर राष्ट्रिय पार्टी केशव प्रसाद मैनाली अध्यक्ष

८ समाजवादी जनता पार्टी हिक्मतबहादुर देउवा प्रवक्ता

१० नेपाल सद्भावना पार्टी (आनन्दी देवी) देवेन्द्र मिश्र अध्यक्ष

११ राष्ट्रिय जनवादी मोर्चा नेपाल कुलबहादुर मोक्तान महासचिव