जेष्ठ २१ गते, २०६९ मा प्रकाशित
नेपालगन्ज – नेकपा मसालका महामन्त्री मोहनविक्रम सिंहले माओवादीले मार्क्सवाद र लेनिनवादबाट पतन भई जातीयताको झण्डा बोकेकाले संविधान नबनेरै संविधानसभा भंग भएको बताएका छन् । माओवादीले बहुबहिचानका ११ प्रदेशसहितको संविधान बनाउन सहमति गरेर पनि जातियतामा फसेर पछाडि फर्केको उनले आरोप लगाए । जातिय राजनीति र सत्ता खेलले जनआन्दोलनका उपलब्धीहरुलाई संस्थागत गर्नमा अबरोध पुर्याएको उल्लेख गर्दै महामन्त्री सिंहले जनतालाई जागरण गरेर दबाब दिनुपर्ने आवश्यकता औल्याएका छन् ।
वर्गिय राजनीति छाडेर जातीय राजनीतिमा लागेकाले माओवादी सैद्धान्तिक रुपमा बिचलन भएको आरोप लगाउँदै उनले आइतवार नेपालगन्जमा पत्रकारहरुसँग भने, ‘माओवादी अध्यक्ष प्रचण्डले जातियता र क्षेत्रीयतालाई हतियार बनाएर कार्यकारी राष्ट्रपति हुने महत्त्वकांक्षा राखेका छन् ।’
कांग्रेस र एमालेसमेत जातियताविरुद्ध रहेका बेला माओवादीलाई साम्राज्यवादीहरुले जातियता फसाएको महामन्त्री सिंहले आरोप लगाए ।
अन्य समाचारहरु
