माओवादीले हानेको गोली लागेर गम्भीर घाइते भएका भक्तपुर जिल्लाका नेपाली कांग्रेसका पूर्वसभापति राधेश्याम जोन्छेको निधन भएको छ । गएराति उपचारको क्रममा शिक्षण अस्पताल महाराजगञ्जमा उनको मृत्यु भएको हो ।
उनी एक महिनादेखि उपचारको क्रममा अस्पतालमा थिए । उनी माथि २०५९ साल भदौ १६ गते गोली हानिएको थियो । उहाँका श्रीमती र तीन छोरा छन् ।
उनी २०५३ सालमा भक्तपुर कांग्रेसको सभापति बनेका थिए । उनको पार्थिव शरीरमा अन्तिम श्रद्धाञ्जली दिन अहिले भक्तपुर अस्पतालमा राखिएको छ । अस्पताल परिसरमा कांग्रेसका नेताहरु पुग्ने क्रम जारी छ । RSS
जेष्ठ २५ गते, २०६९ मा प्रकाशित
