अर्घाखाँचीमा पश्चिमाञ्चलमै कम उर्तीण

अर्घाखाँची – पश्चिमाञ्चल क्षेत्रमध्ये अर्घाखाँचीमा सबैभन्दा कम विद्यार्थी उतीर्ण भएका छन । गत वर्ष उतीर्ण विद्यार्थी संख्या २९ प्रतिशत थियो भने अहिले २६.९८ प्रतिशत छ ।

 

जिल्लाका ७७ विद्यालयका विद्यार्थी सहभागी मध्ये भगवती मावि नुवाकोटको नतिजा शुन्य रहयो भने शिवादह मावि जुकेना र सिद्ध मावि पोखराथोकमा एक/एक जना विद्यार्थी मात्र उतीर्ण भएका छन ।

प्रत्येक वर्ष एसएलसीको नतिजा ओरालो लाग्दै गएको छ ।

 

विद्यालयमा पढाईको स्तर खस्किनु, विद्यालय व्यवस्थापन समिति गठन, शिक्षक नियुक्तीमा राजनीतिक हस्क्षेप र जिल्ला शिक्षा कार्यालयका कर्मचारीले राजनीति गर्दा नतिजा ओरालो लाग्दै गएको भन्दै जिल्लाका सरोकारवालाहरु चिन्तित भएका छन । विद्यालयमा शिक्षकले नियमित नपढाउनु पनि प्रमुख कारण भएको छ भने विषयगत शिक्षक नहुँदा पढाईको स्तर खस्कदै गएको छ । सबैभन्दा बढी शिक्षक र शिक्षा कार्यालयका कर्मचारीले खुलेआम राजनीति गर्दा समस्या आएको सर्वसाधारणको भनाई छ ।