यो वर्षको एसएलसी परीक्षामा इलामका ६ वटा सामुदायिक विद्यालयको नतिजा शून्य भएको छ । गोर्खेस्थित सिंहदेवी मावि, बाँझोस्थित विद्या सृजनात्मक मावि, लक्ष्मीपुरस्थित कृष्ण मावि, साकफारास्थित मिक्लाचोङ्ग मावि, पुवामझुवास्थित वीणापाणी मावि र इलाम मर्निङ्ग ग्लोरी मंगलबारेको नतिजा शुन्य भएको हो ।
गतवर्ष चार विद्यालयको नतिजा शुन्य भएकोमा यो वर्ष ६ विद्यालयको नतिजा शुन्य भएको छ ।
अन्य सामुदायिक विद्यालयका विद्यार्थी पनि विशिष्ट श्रेणीमा उत्तीर्ण हुन सकेनन् ।
इलाममा गत वर्ष ३४ दशमलव ३३ प्रतिशत विद्यार्थी उत्तीर्ण भएकोमा यो वर्ष २० दशमलव ५९ प्रतिशतमा झरेको छ । RSS
जेष्ठ ३२ गते, २०६९ मा प्रकाशित
