इराकको राजधानी बग्दादमा श्रृंखलाबद्ध बम बिस्फोटमा २६ जना मारिएका छन् ।
शिया समुदायको बाहुल्य रहेको क्षेत्रमा गराइएको बिस्फोटमा परी ४० भन्दा बढी घाइते भएका छन् । पहिलो बिस्फोट एक ट्याक्सीमा भएको थियो भने अर्को बिस्फोट एउटा पसल बाहिर रोकिराखेको कारमा भएको थियो ।
ईराकमा यो साता मात्रै भएको बिस्फोटमा ५० भन्दा बढी मारिएका छन् । विस्फोटको मूख्य निशाना शिया समुदायलाई बनाइएको छ । बिस्फोटको जिम्मा कसैले लिएको छैन ।
आषाढ़ ३ गते, २०६९ मा प्रकाशित
