पूर्वी पहाडी जिल्लाहरुमा परेको अविरल वर्षाका कारण सप्तकोसी नदीमा पानीको सहत बढेको छ ।
कोसी व्यारेज नियन्त्रण कक्षका अनुसार आज बिहान सवा १० बजे कोसीमा पानीको बहाब १ लाख ३८ हजार ५ सय ४३ क्युसेक प्रतिसेकेण्ड मापन गरिएको छ ।
बराहक्षेत्रमा पानीको सतह बढ्दै गएकोले दिउँसो सम्ममा पानीको बहाब अझै बढन सक्ने कोसी ब्यारेज नियन्त्रण कक्षका अधिकारीहरुले जनाएका छन् ।
पानीको बहाब बढदै गएको भएपनि तत्कालै सप्तकोसी ब्यारेज र पूर्वी तटबन्धमा कुनै खतरा नरहेको पुर्वाञ्चल सिंचाइ बिकास डिभिजन नम्बर २ इनरुवाका प्रमुख दिनेश रजौरियाले जानकारी दिनुभयो । RSS
आषाढ़ ११ गते, २०६९ मा प्रकाशित
