आषाढ़ १२ गते, २०६९ मा प्रकाशित
मन्त्री रायमाझीको यस्तो वक्तव्य सुनेपछि राष्ट्रिय महिला आयोगको सभाहलमा जम्मा भएका सहभागीहरूले पररर…. ताली पिटे । आयोगद्वारा सोमबार आयोजित ‘घरेलु हिंसापीडित महिलाको समस्या र समाधान’ विषयक अन्तरक्रियामा मन्त्री रायमाझीले सहरी क्षेत्रका कतिपय पुरुष घरेलु हिंसामा परेको बताएका हुन् ।
उनले आफू हिंसामा परेको प्रत्यक्ष नबताए पनि पटक/पटक आफ्नै समस्या दोहोर्याइरहे । ‘नेपालमा ९९ प्रतिशत महिला कुनै न कुनै रुपमा घरेलु हिंसाबाट पीडित भएका छन् तर सहरीक्षेत्रमा तीन/चार प्रतिशत पुरुषले महिलाबाट हिंसा खेपिरहेका छन्,’ पछिल्लो समय महिलाले दोस्रो बिहे गर्ने चलन विकसित भएको बताउँदै उनले भने, ‘सहरी क्षेत्रका केही महिलाको कामै विवाह गर्दै हिँड्दै गर्ने भएको छ ।’
उनका अनुसार शहरी क्षेत्रमा बसोबास गर्दै आएका महिलाले सम्पति लुट्नकै लागि एक/दुई गर्दै पाँच जनासम्म विवाह गरेका उदाहरण छन् । कतिपय महिलाले एउटासंग विवाह गर्ने सम्पति लिने अनि भाग्ने गरिरहेका छन् । हिंसापीडित महिलालाई सुरक्षा र न्याय दिलाउन हामी पहल गर्छौ । तर, यस्तो अवस्थाका पीडित पुरुषलाई कसले हेर्छ ?
शहरका केही पीडित पुरुष साथीहरुको जमातले न्याय पाउनका लागि संघसंस्था खोल्ने योजना बनाउँदै गरेको उनले जानकारी दिए । केही साथीहरुले पन्तिपीडित संघ खोल्न सल्लाहा दिइरहेको उनले बताए ।
कार्यक्रममा मन्त्रीले अन्य पुरुषका लागि आवाज उठाएपनि वास्तविक जीवनमा मन्त्री आफैं पन्तिपीडित हुन् । गत वर्ष असारमा मन्त्री रायमाझीकी पत्नि सीमा बन्जाडेले बुटबलका रामबहादर कार्कीसंग विवाह गरेको बाहिर आएपछि मन्त्री रायमाझीले सम्बन्ध विच्छेद गरेका थिए ।
रायमाझी पत्नि बन्जाडेले नव विवाहित कार्कीले खान लाउन नदिएको भन्दै भैरहवा जिल्ला अदालतमा अंश मुद्धा हालेकी थिइन् । केही समय पछि आफ्नो मगज बिगि्रएर झुटा विवरण पेश गरेको भन्दै मुद्धा फिर्ता लिएकी थिइन् ।
तत्कालिन समयका स्थानीय विकास मन्त्री रायमाझीले श्रीमतीलाई आफुले समय दिन नसकेका कारण घरैभित्र विकृति मौलाएको स्वीकारेका थिए ।
काठमाडौंका प्रमुख जिल्ला अधिकारी चुणामणी शर्माले सार्वजनिक नीति, कानुन, सामाजिक परिस्थितिले हिंसाको सिर्जना गरेको बताए । ‘हाम्रो धरातल नै पुरानो परम्परामा आधारित भएकाले महिलालाई हेर्ने दृष्टिकोण परिवर्तन हुन नसकेको हो,’ उनले भने, ‘महिला हिंसाको अन्त्यका लागि सरकारी र गैर सरकारी संस्थामार्फत पहल गरिरहँदा पनि अपेक्षा गरेजति उपलब्धी हाँसिल हुन सकेन ।’ महिला हिंसा अन्त्यका लागि आफु प्रतिवद्ध भएर लागने उनले बताए ।
अन्य समाचारहरु
