नयाँ सरकार नआएसम्म राजीनामा नगर्ने विवादास्पद अभिव्यक्तिका कारण आलोचना खेपीरहेका प्रधानमन्त्री बाबुराम भट्टराईलाई राष्ट्रपति रामवरण यादवले राष्ट्रिय सहमतिको पहल तत्काल शुरु गर्न सुझाव दिएका बताइएको छ।
सहमितका लागि तयार छु भन्दै कुरा मात्र गरेर नबस्न र त्यसको सुरुवात आफैले गरेर देखाउन राष्ट्रपतिले प्रधानमन्त्रीलाई आग्रह गरेको बुझिएको छ।
भेटमा प्रधानमन्त्रीले अर्को सरकार नआएसम्म राजीनामा नदिने भन्ने आफ्नो भनाइलाई गलत व्याख्या गरिएको भन्दै त्यसको बचाउ गर्ने प्रयास गरेको बुझिएको छ।
अब हुने चुनावबाट नयाँ सरकार नआउञ्जेल राजीनामा नदिने तीन दिन अघिको विवादास्पद अभिव्यक्तिका कारण चौतर्फी आलोचना खेपीरहेका प्रधानमन्त्री भट्टराईले राष्ट्रपतिसँगको भेटमा शुरुमा ब्राजिलमा सम्पन्न कार्यक्रम र त्यहाँ आफूले विभिन्न देशका राष्ट्र तथा सरकार प्रमुखसँग गरेको भेटघाटबारे जानकारी गराएका थिए।
त्यस लगत्तै राष्ट्रपतिले राजीनामा नगर्ने भनाइका सम्बन्धमा प्रधानमन्त्रीसँग विशेष जिज्ञासा राखेको र त्यस्को उत्तरमा प्रधानमन्त्रीले आफ्नो आसयको गलत व्याख्या गरिएको बताएको बुझिएको छ।
प्रधानमन्त्रीले राजीनामा दिंदै नदिने भन्ने आफ्नो मनसाय नभएको र सहमतिका लागि जहिले पनि तयार रहेको जानकारी राष्ट्रपतिलाई गराएको उनका प्रेस सल्लाहकार राजेन्द्र दाहालले बताए।
दाहालले भने,
आषाढ़ १४ गते, २०६९ मा प्रकाशित
