निर्वाचन आयोगद्धारा दलहरुबीच सहमति नभए मंसिरका लागि तोकिएको संविधानसभाको नयां चुनाव सम्भव नभएको भनाई

प्रधानमन्त्री बाबुराम भट्टराई र उनको मन्त्रिमण्डलका सदस्यहरुसँगको छलफलपछि निर्वाचन आयोगका पदाधिकारीले सहमतिबिना आउँदो मंसिरमा संविधानसभाको नयां चुनाव हुन नसक्ने बताएका छन्।

आउँदो मंसिरमा चुनाव गराउने हो भने यही साउन ७ गते सम्म निर्वाचन सम्बन्धी सम्पूर्ण कानुन तयार गर्न सरकारलाई आग्रह गरिसकेको आयोगका पदाधिकारीहरुले संवाददाताहरुलाई बताए।

उनीहरुले चुनावी तयारी बारे सरकारी धारणा बुझ्न प्रधानमन्त्री भट्टराई र मन्त्रीहरुसँग छलफल गरेका थिए।

छलफलका क्रममा आयोगले आगामी निर्वाचनका लागि संविधान संशोधन र कानुन परिमार्जन गर्नुका साथै चुनावमा सहभागी हुने सवै राजनीतिक दलहरुसँग सहमति जुटाउन सरकारलाई आग्रह गरेको छ।