हजारौ अर्घाखाँचीबासीद्धारा काग्रेस क्षेत्रिय सभापति पाण्डेको पार्थीब शरिरमा अन्तिम श्रद्धान्जली अर्पण, वाङ्लाको मथुरामा अन्त्येष्टि गरियो

 

    अर्घाखाँची ५ साउन । नेपाली काग्रेस अर्घाखाँची क्षेत्र नम्बर १ का क्षेत्रिय सभापति तथा प्रभाबशाली युबा नेता चन्द्रमणि पाण्डेको  निधन भएको छ ।

असार ३१ गते कपिलबस्तुको महेन्द्रकोट गाविसमा पर्ने बिरपुरमा मोटरसाइकल दुर्घटनामा परि गम्भीर घाइते भएका पाण्डेको काठमाण्डौको बासबारी न्युरो हस्पिटलमा उपचारको क्रममा हिज  बिहान ७: ३० बजे निधन भएको थियो  ।

   बिपी स्मृती भबन सन्धिखर्कमा राखिएको पाण्डेको पार्थीब शरिरमा  आज बिहान अन्तिम श्रद्धान्जली अर्पण गरिएको छ । नेपाली काग्रेसका केन्द्रिय सदस्य तथा युबा नेता चन्द्र भण्डारीले नेपाली काग्रेसको झण्डा ओढाउनु भएको थियो ।

 

त्यस्तै प्रमुख जिल्ला असधकारी श्रीकृष्ण श्रेष्ठ सहायक प्रमुख जिल्ला अधिकारी भेसराज खनाल काग्रेस जिल्ला सभापति कमल प्साद भुसाल एमालेका जिल्ला अध्यक्ष रामजीप्रसाद घिमिरे राजमोका केन्द्रिय सदस्य सागर केसी लगायत हजारौ जनाले अन्तिम श्रद्धान्जली अर्पण गरेका छन् ।

 त्यस्तै प्याबसन अर्घाखाँचीले पनि आफ्नो झन्डा ओढाएर अन्तिम श्रद्धाञ्जलि अर्पण गरेको छ ।

राजनिति शिक्षा समाज सेबा र ब्यबसायलाई एकै साथ लिएर हिडेका पाण्डे प्याबसन अर्घाखाँचीका जिल्ला अध्यक्ष गैर सरकारी सस्था महासंघका जिल्ला सचिब  नेपाल पुस्तक तथा स्टेसनरी ब्यबसायी महासंघका जिल्ला सदस्य लायन्स क्लबका जिल्ला अध्यक्ष लगायतका बिभिन्न संघ सस्थाहरुमा आबद्ध रहनु भएको थियो ।

  अर्घाखाँचीको ठुलापोखरा गाविस वाड नम्बर ९ मा २०३४ सालमा जन्मिएका शैक्षिक  समाजसेबी  राजनितिक तथा बैद्धिक ब्यक्तित्व पाण्डेको ३५ बर्षको अल्पायुमै निधन भए पछि सिंगो अर्घाखाँची जिल्लानै शोक मग्न भएको छ ।

 पाण्डेको शबलाइ आजै वाङ्लाको मथुरामा लगेर दाह सस्कार गरिएको  छ ।