सिरियाको एलेप्पो शहरमा सरकारी सेनाद्धारा भीषण आक्रमण, युद्दमा सयौको मृत्‍यु

यता, विद्रोहीले शहरमा यसअघि नै हतियार र उपचार सामग्री जम्मा गरिसकेको बताईएको छ । सिरिया सरकारले एलेप्पोमा आफ्नो नियन्त्रण पुन कायम गर्न पुरै शक्ति लगाइरहेको जनाइएको छ । घनाआबादी रहेको एलेप्पो शहरमा संघर्षका कारण धेरै मानिस मारिइसेका छन् भने हजारौं मानिस पलायन भएका छन् ।

संयुक्त राष्ट्रसंघका मानवअधिकार निकाय प्रमुख नेभी पिल्लेले सिरियामा सम्भावित ठूलो युद्धको संभावनालाई लिएर चिन्ता व्यक्त गर्नुभएको छ । उहाँंले सर्वसाधरणको जीवनरक्षाका लागि संघर्षरत पक्षहरुलाई आग्रह गर्नुभएको छ । सिरियामा राष्ट्रपति बशार अल असादको शासन विरुद्धको संघर्षका क्रममा हजारौं मानिस मारिइसकेका छन् भने पलायन हुनेको संख्या पनि हजारौं छ ।