अर्घाखाँचीको जलुकेमा बस दुर्घटना हुँदा सहचालकको मृत्यु, २८ घाईते

अर्घाखाँची । पूर्वपश्चिम राजमार्गको दाङ-कपिलवस्तुको सिमानामा पर्ने अर्घाखाँची जलुके गाविसको हात्तीढुंगा भन्ने स्थानमा बस दुर्घटना हुँदा १ जनाको घटनास्थलमै मृत्यु भएको छ २८ यात्रु घाईते भएका छन ।

दाङको भालुवाङबाट २ किमि पूर्वमा पर्ने हात्तीढुङ्गामा  दुर्घटना भएको हो ।

 
बुटवलबाट नेपालगाजतर्फ हिडेको भेरी यातायात समितिद्धारा सचालित ना २ ख ९८५९ नम्बरको बसको पट्टा भाच्चिँदा पल्टिएर दुर्घटना भएको प्रहरीले बताएको छ । दुर्घटनामा बसका सहचालकको घटनास्थलमै मृत्यु भएको । मृतकको नाम खुल्न सकेको छैन ।  

 

दुर्घटनामा परेका ८ जनालाई उपचारको लागि नेपालगाज पठाइएको र बाँकी सामान्य घाइतेहरुको भालुवाङ मै उपचार भइरहेको  भालुवाङ प्रहरीले जनाएको छ ।