– सुदन खड्का
सन्धिखर्क, अर्घाखाँची । अर्घाखाँची सन्धिखर्कको छापडाडामा दुर्गा मन्दिर निर्माण गरिएको छ । स्थानिय २ नम्बर वार्डका वासिन्दाको श्रम दान बाट मन्दिरको निर्माण गरिएको हो ।
विगत ५ महिना अघीबाट निर्माण कार्य सुरु गरिएको भए पनि भर्खर मात्र काम सक्किएकोले गत मगंलबार बिशेष पूजाआजा गरी एक कार्यक्रमका बिच मन्दिरको मुल प्रवेश द्वार खुल्ला रहने गरी उद्घाटन गरिएको हो ।
सो मन्दिर निर्माणका लागि सोही स्थान बाट बैदेशिक रोजगार अन्तरगत सम्युत्त अरब एमिरेट्स यूएईको दुबइ पुगेका युवाहरुले समेत सहयोग गरेका थिए।
करीब ८ लाखको लगानीमा अत्याधुनिक र गुणस्तरिय भवन निर्माण गरिएको हो । मन्दिरमा कालारात्री , दुर्गा पूजा , दशैमा सराय नाच तथा अन्य स्थानिय स्तरका धार्मिक कार्य गरिने छ ।
मन्दिरमा स्थानिय पूजारीले दैनिक पूजा अर्चना गर्ने ब्यबस्था मिलाइएको छ ।
Copyright 2012 Arghakhanchi.Com. All rights reserved. This material may not be published, broadcast, rewritten or redistributed.
अर्घाखाँचीडट्कमलाई सहयोग गर्न तल देखिने विज्ञापनहरुमा बारम्बार क्लिक गर्नुस्।
श्रावण १८ गते, २०६९ मा प्रकाशित
