पार्टी नेताहरुको कार्याविभाजको टुंगो लगाउन एकीकृत नेकपा माओवादीको महाधिवेशन आयोजक समितिको बैठक आज बस्दैछ ।
पार्टी मुख्यालय कोटेश्वर पेरिसडाँडामा दिउँसो एकबजे पछि बस्ने बैठकमा पार्टीको भावी योजना, नयाँ रणनीतिका बारेमा छलफल हुनुका साथै आयोजक समितिमा बाँकी रहेका सदस्यहरुको नामावली तय गरिने कार्यक्रम रहेको नेता अग्नि सापकोटाले जानकारी दिनुभयो ।
साथै बैठकले केन्द्रदेखि जिल्ला र गाउँ सम्मका पार्टीका कार्यक्रम पनि तय गर्ने बताईएको छ । दुईसय ५१ सदस्यिय महाधिबेसन आयोजक समिति बनाउने निर्णय गरेको माओवादीले दुईसय ३१ सदस्यको नामावली टुंगो लगाएको छ भने बाँकी २० जनाको टुंगो आजको बैठकबाट लगाईने छ ।
श्रावण २० गते, २०६९ मा प्रकाशित
