तलब वृद्धिको माग गर्दै पाटन अस्पतालका कर्मचारीहरु चरणबद्ध आन्दोलनमा

काठमाडौ । तलब वृद्धिको माग गर्दै पाटन अस्पतालका कर्मचारीहरु आजबाट चरणबद्ध आन्दोलनमा उत्रेका छन् । कर्मचारीको मागकासम्बन्धमा वार्ता भएपनि सफल नभएपछि उनीहरुले आज अस्पतालको प्रशासनिक कामकारवाही सबै बन्द गराए ।

भ्रष्टाचार र अनियमितता बन्द गर्नुपर्ने, एक व्यक्ति एक पदको व्यवस्था गरिनुपर्ने, पेन्सनको योजना तुरुन्त लागु गर्नुपर्ने, असमान र भेदभावको तुरुन्त अन्त्य गर्नुपर्नेलगायत माग कर्मचारीको छ । माग पूरा नगरिए अस्पतालका सबै सेवा ठअप्प पार्ने चेतावनी उनीहरुको छ । -RSS