एमाले अर्घाखाँचीद्वारा जिल्लाका बिभिन्न गाविसमा कार्यकर्तालाई प्रशिक्षण दिदै

नेकपा एमाले अर्घाखाँची जिल्ला कमिटीको आयोजनामा जिल्लाका बिभिन्न गाविसहरुमा कार्यकर्ता प्रशिक्षण भएको छ । जिल्लाका १३ वटा गाविसहरुमा प्रशिक्षण सकिसकेकोमा आगामी दिनमा सबै गाविसहरुमा प्रशिक्षण दिने जिल्ला कमिटी अध्यक्ष रामजी प्रशाद घिमिरेले जानकारी दिए । 

जिल्लाका पोखराथोक र खिदिम गाविसमा जिल्ला कमिटी अध्यक्ष रामजी प्रशाद घिमिरेको नेत्रित्वमा । केरुङगा र चिदिका गाविसमा उपाध्यक्ष जनार्दन खनालको नेत्रित्वमा , पाली र अड्गुरी गाविसमा राष्ट्रिय प्रतिनिधि परिषद सदस्य कुटमदिन अलीको नेत्रित्वमा ठाडा गाविसमा अञ्चल कमिटी सदस्य पिताम्बर सारुको नेत्रित्वमा , ढाकावाङ र धारापानी गाविसमा जिल्ला कमिटी सचिवालय सदस्य बुद्दीबहादुर रायमाझीको नेत्रित्वमा प्रशिक्षण कार्यक्रम सम्पन्न भईसकेका छन ।

त्यस्तै धनचौर र खाचीकोट गाविसमा निर्वाचन आयोग सद्स्य बोमबहादुर विकको नेत्रित्वमा , वाग्ला गाविसमा जिल्ला कमिटी उप सचिव कुलदिप भुसालको नेत्रित्वमा र डिभर्ना गाविसमा जिल्ला कमिटी सचिवालय सदस्य युवराज श्रेष्ठको नेत्रित्वमा प्रशिक्षण कार्यक्रम सम्पन्न भईसकेको छ । 

त्यस्तै जिल्लाका बाँकी २९ गाविसहरुमा भदौ  १६ र २२ गते प्रशिक्षण कार्यक्रम हुने जनाइएको छ । जसका लागि ११ वटा प्रशिक्षण टोली बनाइएको छ ।