जिल्लामा राष्ट्रिय जनमोर्चा /संघीयता राष्ट्रको लागि खतरा

राष्ट्रिय जनमोर्चाका केन्द्रीय सदस्य सागर के.सी.ले संघीयता राष्ट्रियताको बाधक बनेको बताएका छन् ।

पार्टीले सञ्चालन गरेको संगठन सुदृढीकरणका विषयमा जानकारी दिन राष्ट्रिय जनमोर्चा अर्घाखाँचीले सदरमुकाम सन्धिखर्कमा गरेको पत्रकार सम्मेलनमा बोल्दै नेता केसीले संघीयताको खारेजीको लागि राष्ट्रवादी शक्तिहरु एक हुनुपर्ने बताए ।

माओवादीले कम्युनिष्टको नाममा राष्ट्रविरोधी काम गरिरहेको आरोप लगाउदै नेता केसीले कम्युनिष्ट विरोधी गति विधीहरुलाई समाप्त पार्दै कम्युनिष्ट आन्दोलनको रक्षा गर्नुपर्ने बताए ।

युरोपिययन युनियनका राष्ट्रहरु नेपालमा जातीय लडाई बढाउनका लागि अरवौं खर्च गर्न तयार रहेको आरोप लगाउदै नेता के.सी.ले जातीय रुपमा नेपाललाई विभाजन गर्ने तयारी भैरहेको दावी समेत गरे । राजनीतिक दलका नेताहरु नै विदेशीको इशारामा नाचेका कारण समस्या झन पेचिलो भएको उनको भनाई रहेको थियो ।

कार्यक्रम राजमोका जिल्ला सल्लाहकार शेर बहादुर वि.सी.को सभापतित्व, सहसचिव पशुपति ढकालको स्वागत मन्तव्य र सचिव थम्मन के.सी.को सञ्चालनमा सम्पन्न भएको हो ।

पार्टीमा प्रवेशको क्रम बड्यौ :यसैविच चुनढंगा उत्खनन रोक्का संघर्ष समितिका अध्यक्ष पदम के.सी. जनमोर्चामा प्रवेश गरेका छन् । कार्यक्रममा मन्तव्य राख्दै के.सी.ले राष्ट्रियता प्रति बलियो अडान रहेको र एकमात्र माक्सवादी पार्टी भएका कारण आफु जनमोर्चामा प्रबेश गरेको बताए ।