सिरियामा जारी हिंसाका कारण विस्थापित हजारौं नागरिक जोर्डन प्रवेश
सिरियामा जारी हिंसाका कारण विस्थापित भई जोर्डन प्रवेश गर्न खोजेका हजारौं नागरिकलाई जोर्डनको सैनिकले सुरक्षा दिएर लगेका छन् । जोर्डन प्रवेश गर्नेमा अधिकांश महिला छन् ।
सिरियाको हिंसामा आफना पति गुमाएका महिलाहरु बालबालिकासहित जोर्डन प्रवेश गरेका हुन् ।
लगभग ६० हजारको संख्यामा एकैचोटी जोर्डन प्रवेश गर्नुअघि उनीहरुलाई सिरियाली सैनिकले रोकेपछी जोर्डनको सेनाले पहरा दिई उनीहरुलाई जोर्डनतर्फ लगेका हुन् ।
सिरिया छोड्ने नागरिकले जोर्डन सरकारसँग सुरक्षा माग गरेपछि जोर्डनले उनीहरुलाई आफनो देशमा प्रवेश दिएका हुन् । सिरियामा जारी हिंसाका कारण हजारौं सर्वसाधारण छिमेकी राष्ट्र जोर्डन र टर्की पलायन भएका छन् ।
– Agencies
भाद्र २१ गते, २०६९ मा प्रकाशित
