चीनले पूर्वी चीनमा रहेको टापुमाथि जापानी हस्तक्षेप रहे दुई देशबीचको आर्थिक सम्वन्ध ध्वस्त हुने चेतावनी दिएको छ । चिनियाँ वाणिज्य मन्त्रालयले पत्रकार सम्मेलन गरी दुई देशको व्यावसायिक सम्वन्ध बिग्रिए त्यसको जिम्मेवार जापान हुने बताएको हो ।
वाणिज्य मन्त्रालयले जापानले डियायु टापु किन्ने कुराले चीनको भौगोलिक अखण्डतामाथि नै प्रहार गरेको जनाएको छ ।
जापान युरोपेली युनियन र अमेरिकापछि चीनको तेस्रो व्यावसायिक साझेदार हो । दुई देशबीच ३ सय ४० अर्ब अमेरिकी डलरभन्दा बढीको वार्षिक कारोबार हुँदै आएको छ । यो कारोबार पछिल्लो एक दशकमा तेब्बर बढेको हो । टापु बिक्रीको विरोधमा चीनमा जापानी लगानीका उद्योगमाथि आक्रमण जारी छ । आक्रमणपछि कतिपय जापानी कम्पनीहरु बन्द भएका छन् ।
चीनमा जापानी उत्पादनविरोधी अभियान नै सुरु भएपछि कतिपय जापानी लगानीकर्ताहरु अन्यौलमा छन् ।
– एजेन्सी
आश्विन ३ गते, २०६९ मा प्रकाशित
