आश्विन ४ गते, २०६९ मा प्रकाशित
लालप्रसाद शर्मापोखरामा गठित स्वागत समितिका अनुसार भोलि दिउँसो २ देखि सवा २ बजेसम्म ज्ञानेन्द्र पोखरा आईपुग्नेछन । मौसम खराबी नभए जहाज र खराब मौसम भएमा २ बजे पोखरा आईपुग्ने गरी गाडीमार्फ आउने कार्यक्रम तय भएको समितिका प्रचार संयोजक अर्जुन बस्नेतले बताए । ज्ञानेन्द्रको स्वागतकालागि पुर्व राजपरिषद् सदस्य गणेशबहादुर गुरुङको संयोजकत्वमा १ हजार २ सय ८० सदस्यीय समिति गठन गरिएको छ ।
बस्नेतका अनुसार ज्ञानेन्द्र शाह भोलि यहाँको फेवातालपारीको फिस्टेल लजमा बस्नेछन । पोखरा बिमानस्थलदेखि फिस्टेल गेटसम्म शुभेच्छुकहरु स्वागतकालागि बस्नेछन । शुक्रबार ज्ञानेन्द्र म्याग्दी गएर बेनीबजारस्थित ४ सय बर्ष पुरानो भर्तिकलबम शिवालय र गलेश्वर मन्दिरको दर्शन गर्ने योजना छ । उक्त दिन शाह म्याग्दीमै बस्नेछन् ।
त्यसैगरी शनिवार बागलुङ सदरमुकामको कालिका मन्दिर र सोही दिन पर्वत सदरमुकामको गायत्रीमाता मन्दिरको दर्शन गर्दै पोखरा फर्किने कार्यक्रम रहेको समितिले जनाएको छ । त्यस्तै ७ गते आईतबार स्याङजाको गुठीखोलास्थित धनुशेश्वर महादेव मन्दिर, सोमबार तनहुँ दमौलीको पंचमन्दिरको दर्शन गर्नेछन । ९ गते बिहान ९ बजेको समयमा पोखराको बिन्ध्यावासिनी मन्दिरमा पुजाकालागि नालाको मुखबाट पैदलै यात्रा गर्ने समितिले जनाएको छ । १० गते पोखरामा रहेका केही बौद्ध गुम्बाकोसमेत दर्शन गरी ११ गते काठमाण्डौ फर्किने कार्यक्रम रहेको समिति सहसंयोजक केशव भण्डारीले बताए ।
संयोजकलाई धम्की
अन्य समाचारहरु
