भारतको वाराणसीका युवकले आत्महत्या गरेको उनकी प्रेमिकाले वेबक्याम्पमा प्रत्यक्ष हेरिन

छिमेकी मुलुक भारतमा एक रहस्यमय घटनाको खबर बाहिर आएको छ । वाराणसीको एक इलाकाका युवकले आफ्नी प्रेमिकासँग इन्टरनेटमा कुरा गर्दागर्दै रिसको झोंकमा आत्महत्या गरेका छन् भने युवकले आत्महत्या गरेको उनकी प्रेमिकाले वेबक्याम्पमा प्रत्यक्ष हेरेको जनाइएको छ । जसको कारण त्यसक्षेत्रमा सनसनी फैलिएको छ ।

गएको शनिबार राति स्थानीय अंकित श्रीवास्ताव नामक युवकले आफ्नी प्रेमिकालाई आफ्नो आत्महत्याको प्रत्यक्ष प्रशारण देखाए । समाचारका अनुसार सदाझैं ती प्रेमी आफ्नो कोठा बन्द गरेर प्रेमिकासँग इन्टरनेटमा च्याट गरिरहेका थिए । अचानका उनीहरुकाबीच केही खटपट भयो, त्यसपछि उनले झुन्डिएर आत्महत्या गरे ।

ती युवकका परिवारका अनुसार जब युवकका आमा खान दिन युवकको कोठामा गई तब उसले आफ्नो छोरालाई फाँसी लगाएर आत्महत्या गरेको देखिन् । त्यस समय वेबक्याम चालु हालतमा थियो ।