आश्विन १६ गते, २०६९ मा प्रकाशितपोखरा विमानस्थलमा अवतरण गराइएपछि निरीक्षण गर्दा विमानमा रगतको दाग पाइएको पोखरा विमानस्थलका प्रमुख प्रतापबाबु तिवारीले जानकारी दिए । विमानको बायाँ इञ्जिनमा चरा ठोक्किएको पाइएको उनले बताए ।
त्यस्तै सोमबार विहान ९ बजेर ३८ मिनेटमा पोखराबाटै काठमाडौंका लागि उड्न लागेको बुद्ध एयरको विमान धावन मार्गमा गुड्दै गर्दा चरासँग ठोक्किएको थियो । पोखरा विमानस्थलका प्रमुख तिवारीका अनुसार वुद्ध एअरको विमानमा चरा ठोक्किएपनि कुनै क्षति भएको छैन ।
चालक दलले विमानस्थल टावरलाई जानकारी गराएर वुद्धएअरको विमान उडेको थियो । गत शनिबार मात्रै काठमाडौंबाट लुक्लाका लागि उडेको सीता एअरको विमान चरासँग ठोक्किएर त्रिभुवन विमानस्थल नजिकै दुर्घटना हुँदा १९ जनाको ज्यान गएको थियो । – RSS
अन्य समाचारहरु
