एमालेद्धारा देशभर सरकारको विरोधमा प्रदर्शन

अहिलेको सरकार रहेसम्म राजनीतिक गतिरोधको निकास खोज्न सम्भव नहुने भन्दै उनले तत्काल पद छाडेर सहमतिका लागि बाटो खोल्न प्रधानमन्त्री भट्टराइलाई आग्रह गरे । प्रधानमन्त्रीले सत्ता नत्यागे आन्दोलनको आँधीबेहरी सृजना गर्ने खनालको भनाई थियो ।
 
एमालेका भ्रातृ संगठनहरुको साझा मोर्चाका संयोजक तथा एमाले सचिव शंकर पोखरेलले एकीकृत माओवादीले वार्ताको नाममा कांग्रेस एमालेलाई अल्मल्याउन खोजेको आरोप लगाए । प्रधानमन्त्री भट्टराई राजनीतिक गतिरोध लम्ब्याएर सत्ता कब्जा गर्न सकिन्छ भन्ने सोच लिएर अघि बढेको उनको आरोप थियो । गतिरोधको निकासका लागि सहमति खोज्न दबाब दिने उद्देश्यले पनि आन्दोलन थालिएको पोखरेलले बताए ।