काठमाडौं । विभिन्न कार्यक्रम गरी आज ५७ औं प्रहरी दिवस मनाइएको छ । दिवसको अवसरमा प्रहरी प्रधान कार्यालयमा आयोजित कार्यक्रममा कर्तव्य पालनाको क्रममा ज्यान गुमाएका प्रहरीहरुप्रति श्रद्धाञ्जली र सम्मान व्यक्त गरियो ।
कार्यक्रममा गत असोजयता कर्तव्य पालनाकोक्रममा ज्यान गुमाएका प्रहरीका परिवारलाई दोसल्ला ओढाएर सम्मान गरिएको थियो ।
त्यसक्रममा गृहमन्त्री गच्छदारले प्रहरी सेवालाई अझ विश्वसनीय बनाउन आवश्यक भएको बताए ।
सोही कार्यक्रममा प्रहरी महानिरीक्षक कुवेरसिंह रानाले प्रभावकारी ढंगले जनताको सेवामा लाग्न निर्देशन दिए ।
– RSS
आश्विन २८ गते, २०६९ मा प्रकाशित
