आश्विन २८ गते, २०६९ मा प्रकाशित
पश्चिम अफ्रिकी मुलुक मौरिटानियाका राष्ट्रपति मोहम्मद अब्देलाजिज सेनाको गोली प्रहारबाट घाईते भएका छन् । राष्ट्रपतिको पाखुरामा गोली लागेको र उनको सैनिक अस्पतालमा सफल अपरेशन भैसकेको बताइएको छ । अधिकारीहरुले उनी छिट्टै थप उपचारका लागि विदेश जाने बताएका छन् ।
राष्ट्रपति अब्देलाजिजमाथि सेनाको गस्ती टोलीले भूलबस गोली हानेको त्यहाँका सुचनामन्त्री माम्दी मह्जुबले राष्ट्रिय टेलिभिजन मार्फत जानकारी गराएका छन् ।
यसअघि सरकारी रेडियोले भने अब्देलाजिज हत्या प्रयासबाट फुत्कन सफल भएको जनाएको छ । अब्देलाजिज सन् २००८ को सैनिक कु पछि सत्तामा आएका थिए ।
अन्य समाचारहरु
