पोखरा । पोखरा उपमहानगरपालिका वडा नम्बर २ मिरुवाका रुद्रप्रसाद तिमिल्सिनाले गएराति आफ्नी ३५ वर्षीया श्रीमती मुना तिमिल्सनाको खुकुरीले घाँटी रेटेर हत्या गरेका छन् । सामान्य घरायसी विवादमा रुद्रप्रसादले सुतिरहेकी श्रीमतीको घाँटी रेटेका हुन् ।
अभियुक्त रुद्रप्रसादलाई प्रहरीले पक्राउ गरेको छ भने घटनास्थलबाट हत्यामा प्रयोग भएको खुकुरी बरामद भएको प्रहरीले जनाएको छ ।
स्थानीय बासिन्दाले आज बिहान प्रहरीलाई घटनाबारे जानकारी गराएपछि प्रहरीले गर्धन रेटिएको अवस्थामा मुनाको शव फेला पारेको थियो।
जिल्ला प्रहरी कार्यालय कास्कीका प्रवक्ता प्रहरी निरिक्षक रविन्द्र पौडेलका अनुसार मृतकका श्रीमान रुद्रप्रसादले प्रहरीको प्रारम्भिक बयानमा घरायसी विवाद चर्किएपछि खुकुरी प्रहार गरी श्रीमतीको हत्या गरेको स्वीकार गरेका छन्।
प्रहरीले एक थान खुकुरी सहित रुद्रलाई पक्राउ गरी हिरासतमा राखेर अनुसन्धान थालेको छ प्रवक्ता पौडेलले बताए। उनले मृतकको शव पोष्टमार्टमका लागी पश्चिमाञ्चल क्षेत्रीय अस्पताल पोखरामा पठाइएको जानकारी दिए।
– RSS
मंसिर १ गते, २०६९ मा प्रकाशित
