चितवन । नेकपा-माओवादीले आज नवपरासीको गैंडाकोटस्थित भृकुटी पल्प एण्ड पेपरको कारखानामा पार्टीको झण्डा गाडेको छ ।
सो पार्टी सम्वद्ध राष्ट्रिय जनस्वयंम सेवक समितिले उद्योगहरुको निजीकरण र भ्रष्टचार विरुद्ध शुरु गरेको अभियान अन्तर्गत भृकुटी पेपरको कारखानामा झण्डा गाडिएको हो ।
विगत केही समयदेखि बन्द रहेको कागज कारखाना सरकारी स्वामित्वमै सञ्चालन गर्नुपर्ने समितिका अध्यक्ष उदयबहादुर चलाउनेले बताए ।
उनले अबको लडाई राष्ट्रियताको रक्षा र राष्ट्रिय उद्योगको समृद्धिका लागि हुने पनि बताए ।
– RSS
मंसिर ७ गते, २०६९ मा प्रकाशित
