मंसिर १५ गते, २०६९ मा प्रकाशितबिहीबार बिहान ९ बजेदेखि ३ बजेसम्म पार्टी मुख्यालयको मूलढोकामा तालाबन्दी गरेका ‘अयोग्य लडाकु’ले राति पनि धर्ना जारी राखे। ‘हाम्रा माग पूरा नहुन्जेल तालाबन्दी र धर्ना दिने योजना अनुसार पेरिसडाँडामा रातभर बसेका हौं’ बहिगर्मित जनमुक्ति सेना नेपालका अध्यक्ष लेनिन विष्टले भने, ‘आगो तापेर यो रात पेरिसडाडाँमै कटायौं।’
उनका अनुसार आफ्ना मागलाई सम्बोधन नगरे धर्ना कार्यक्रम जारी राखिनेछ। तीन सय बढी ‘अयोग्य लडाकु’ ले पेरिसडाँडामा रात काटेको विष्टले जानकारी दिए।
अयोग्यको बिल्ला खारेज गर्नुपर्ने, पुर्नस्थपाना प्याकेज वितरणमा भएको भ्रष्टचार छानबिन गर्नुपर्ने, माओवादी लडाकुलाई दिए सरहको रकम उपलब्ध गराउनु पर्नेलगायतका माग राखेर उनीहरुले आफ्नै पार्टी कार्यालयमा धर्ना दिइरहेका हुन्।
अन्य समाचारहरु
