– पार्वता श्रेष्ठ,सन्धिखर्क
अर्घाखाँची जिल्लामा फेरी थप नयाँ ८ जना एचआईभी संक्रमित व्यक्ति फेला परेका छन् । विभिन्न सघं सस्थाको व्यापक रुपमा संचालित जनचेतना मूलक कार्यक्रमले गर्दा जिल्लामा लुकेर बसेका एचआइभी संक्रमितहरु पत्ता लाग्न थालेका हुन ।
एचआईभीको क्षेत्रमा काम गदै आएको संस्था सक्रिय सेवा समाज र जिल्ला श्वास्थ्य कार्यालय र प्रेरणाको सहयोगमा संचालित एचआईभीको रगत परिक्षण केन्द्र भि.सी.टी सेन्टरमा मंसिर महिना सम्ममा थप ८ जना एचआईभी संक्रमित पत्ता लागेको जिल्ला एड्स समन्वय समितिका संयोजक शोभाखर पोख्रेलले जानाकारी दिए ।
थप ८ जना सहित हाल सम्मको तथ्यांक हेर्दा एचआईभी संक्रमितहरु १०३ जना पुगेको र त्यसमा ५२ महिला , ५१ पुरुष रहेका छन । जसमध्ये ८ जना बालबालिका रहेको जिल्ला एड्स समन्वय समितिका संयोजक शोभाखर पोख्रेलले जानाकारी दिए ।
१०३ जना मध्ये हाल सम्म २३ जनाको मृत्यु भईसकेको छ । मृत्युहुनेमा १० महिला १३ पुरुष तथा २ बालबालिका थिए ।
४५ जनाले एचआईभी एन्टीबडी भाइरसलाई नियन्त्रण गरि प्रतिरक्षाशक्तिलाई स्थिर राख्नको लागि एआरभी औषधि खाइरहेको संक्रमित पार्वती बन्जाडेले बताईन ।
“एचआईभी” भन्ने वितिकै अझैपनि समाजमा डराउने , लाज मान्ने हुदाँ यसलाई लुकाएर बस्ने र अन्तिम अवस्थामा मात्र भि.सी.टी सेन्टरमा रगत परिक्षण गर्न आउने गरेको बन्जाडेले बताइन । यसरी जिल्लाको तथ्यांकलाई हेर्दा ६ बर्षिय बालक देखि ७० वर्षसम्मको व्यक्तिमा एचआईभी रहेको पाईएको छ । सबैभन्दा बढी २० वर्षदेखि ४० वर्ष उमेर समुहको व्यक्तिमा रहेको पाईएको छ । हाल सम्म जिल्लाको सबै गा.वि.स.मा एचआईभी संक्रमित रहेको बन्जाडेले अर्घाखाँची डट्कम् लाई बताइन ।
पत्रकार श्रेष्ठ प्रेस चौतारी अर्घाखाँचीकी अध्यक्ष तथा बिभिन्न सामाजिक संघसस्थामा आबद्द स्वतन्त्र पत्रकार समेत हुन ।
Copyright 2012 Arghakhanchi.Com. All rights reserved. This material may not be published, broadcast, rewritten or redistributed.
अर्घाखाँचीडट्कमलाई सहयोग गर्न तल देखिने विज्ञापनहरुमा बारम्बार क्लिक गर्नुस्।
मंसिर १७ गते, २०६९ मा प्रकाशित
