दुई स्तनको आकार बढाउन शल्यक्रिया गरी कोकिन लुकाउने महिला पक्राउ

म्याड्रिड – स्पेनी प्रहरीले एक महिलाले आफ्नो स्तनको आकार बढाउने शल्यक्रिया गरी एक किलोग्रामभन्दा बढी कोकिन लुकाइ मुलुकभित्र प्रवेश गराउन खोजेको आरोपमा एक महिलालाई पक्राउ गरेको छ।

पानामाका निवासी यी महिलालाई वार्सेलोना विमानस्थलमा पक्राउ गरिएको हो र उनी कालम्बियाबाट त्यहाँ पुगेकी बताइएको छ। यी महिलाले आफ्ना दुई स्तनको आकार बढाउन शल्यक्रिया गरी कोकिन राखेकी थिइन। उनको प्रत्येक स्तनमा दुई स्थानमा काटिएको देखिएको थियो। प्रहरीले एक स्तनको घाउमा हलुकासँग टाँचा लगाइएको देखिएको तस्बिर जारी गरेको छ।

प्रहरीले यी महिलालाई अस्पतालमा लगी उनको स्तनमा राखिएको वस्तु परीक्षण गरेका थिए। परीक्षणमा स्तनभित्र १.३ किलोग्राम कोकिन फेला परेको प्रहरीले जानकारी दिएको छ।

 

– एजेन्सी)