राजविराजमा भएको सवारी दुर्घटनामा परी दुई जनाको मृत्यु भएको छ ।
पूर्व पश्चिम राजमार्ग अन्तर्गत सप्तरीको पोर्ताहा सडक खण्डमा विहिवार भएको घटनामा कुखुराको चल्ला बोक्ने भ्यानले ट्रयाक्टरलाई ठक्कर दिदाँ उक्त घटना भएको इलाका प्रहरी कार्यालय भारदहले जनाएको छ ।
दुर्घटनामा पूर्ववाट पश्चिम तर्फ गईरहेको स१क २९६७ नम्वरको भ्यानले सोहि दिशामा गईरहेको स१त १९१२ नम्वरको ट्रयाक्टरलाई पछाडीवाट ठक्कर दिदाँ दुर्घटना भएको हो । मृत्यु हुनेहरुमा भ्यानका चालक मकवानपुरको रातोमाटो सुर्यामाई गाविस ३ का २१ वर्षिय नन्दलाल लामा र खलासी सप्तरीको घोघनपुर गाविस- ८ का संजिवकुमार साह रहेका छन् ।
गम्भीर घाईते भएका उनीहरुलाई उपचारका लागि धरान लाँदै गर्दा उनीहरुको बाटोमै मृत्यु भएको इलाका प्रहरी कार्यालय भारदहले जनाएको छ । प्रहरीले बाक्लो हुस्सुका कारण दुर्घटना भएको हुन सक्ने अनुमान गरेको छ ।
पौष ६ गते, २०६९ मा प्रकाशित
