स्वीट्जरल्याण्डको पूर्वी जेनेभास्थित दाइलोन इन भालीस कान्टोन गाउंमा एक जना बन्दुकधारीले अन्धाधुन्ध गोली चलाउदां तीन जना महिलाको मृत्यु भएको छ भने अरु धेरै घाईते भएका छन् ।
घटनापछि बन्दुकधारीले आफुमाथि पनि गोली हान्न खोजेकोमा प्रहरीले उसलाई गोली हानेर नियन्त्रणमा लिएको थियो । बन्दुकधारीले २० राउण्ड भन्दा बढी गोली हानेको बताइएको छ ।
गोली हान्नुको कारण भने खुल्न सकेको छैन । अनुसन्धानपछि ३३ वर्षिय बन्दुकधारी पहिलाको मानसिक रोगी र अहिले लागू पदार्थ दुव्र्यसनी रहेको प्रहरीले जनाएको छ । स्वीट्जरल्याण्डमा तुलनात्मक रुपमा उदार बन्दुक सम्बन्धी कानुन रहेको मानिन्छ । यहां प्रत्येक स्वीस पुरुषले सेनाको तालिम लिनु पर्छ भने त्यसपछि बन्दुक घरमा राख्न पाउने व्यवस्था रहेको छ ।
– Agencies
पौष १९ गते, २०६९ मा प्रकाशित
