अन्तराष्ट्रिय अर्घाखाँची सम्पर्क मञ्चले सन्धिखर्कमा पत्रकार सम्मेलन एवम परिचयात्मक कार्यक्रम गर्ने

 – उमाकान्त पाण्डे गाउंले   

अन्तराष्ट्रिय अर्घाखाँची सम्पर्क मञ्चले यसै हप्ता सन्धिखर्कमा पत्रकार सम्मेलन एवम परिचयात्मक कार्यक्रम गर्ने भएको छ । फागुन ८ गते मंगलवारका दिन सन्धिखर्क स्थित होटल एभरेष्टको सभाकक्षमा कार्यक्रम गरिन लागिएको मञ्च द्वारा जारिगरिएको सुचनामा उल्लेख गरिएको छ । 

जिल्ला स्थित राजनीतिक दलका प्रतिनिधी, क्रियाशिल सम्पूर्ण पत्रकार , तथा संस्थासंग सरोकार राख्ने आम सर्वसाधारण एवम बुद्दिजीवीको उपस्थितीमा कार्यक्रम गरिन लागिएको हो । 

अन्तराष्ट्रिय अर्घाखाँची सम्पर्क मञ्चको स्थापना उद्देश्य , यस् ले गरेका काम र सस्थाको अवधारणा बारे सम्पूर्णमा जानकारी गराउने उद्देश्यले कार्यक्रम आयोजना गर्ना लागिएको मञ्चका संयोजक राजु खड्काले अर्घाखाँची डट्कम् लाई जानकारी दिए । 

 

अन्तराष्ट्रिय अर्घाखाँची सम्पर्क मञ्च तदर्थ समितिका संयोजक राजु खड्का तथा सचिव रामप्रसाद पराजुली द्वारा सम्युत्त रुपमा जारी गरिएको प्रेस विज्ञप्तीमा कार्यक्रममा सरोकारवाला सवैलाई उपस्थितीको लागि हार्दिक अनुरोध समेत गरेको छ । 

संसार भर छरिएर रहेका अर्घाखाँची बासीलाई एक जुट बनाउने उद्देश्यले स्थापित अन्तराष्ट्रिय अर्घाखाँची सम्पर्क मञ्चले हाल विश्वका ४५ भन्दा धेरै मुलुकमा सन्जाल विस्तार गरेको छ । विश्वका अन्य मुलुकमा रहेका अर्घेलीलाई समेत सन्जालमा समेटेर हातेमालो गर्न के कसरी सकिन्छ ? भन्ने बिषयमा गम्भिर छलफल गरी केही सामाजिक कार्यहरुको बारे सार्वजनिक गर्न मञ्चका सयोजक खड्का युएई बाट र सचिव पराजुली कतार बाट हाल जिल्लामा पुगेका छन ।