फुदवाङ, अर्घाखाँची । अर्घाखाँची जिल्लाको नरपानी गाबिस स्थित गुम्टी दह खोलामा सोमबार साँझ ५ बजे गोली चलेको छ ।
गोली चल्दा मोटरसाइकलमा सन्धिखर्क देखि बुटवल तर्फ जादै गरेका खन गाविस लुतीपोखरा निवासी तारा सुनुवार गम्भिर घाइते भएका छन।
सुनुवारको छातीमा गोली लागेको र उनको जिल्ला अस्पताल सन्धिखर्कमा उपचार हुन नसक्दा बुटवल अञ्चल अस्पतालमा पठाइएको छ।
साथै गोली हान्ने पाली घर भएको लक्ष्मण सुनुवारलाई स्थानिय पाली प्रहरी चौकीले पक्राउ गरेको छ। अभियुक्त लक्ष्मणलाई गोली प्रहार गर्ने ठाउँमा फेला परेका लाईसेन्स र व्यागको आधारमा पक्राउ गर्न सफल भएको प्रहरीले बताएको छ।
यसैक्रममा उक्त घट्नामा मोटरसाईकल चालक सन्धिखर्क -५ तुम्कोट निवासी हाल सन्धिखर्क स्थित सरिता अडियो -भिडियो सेन्टरका व्यापारी रुद्र पराजुली सामान्य घाइते भएका र उनको जिल्ला अस्पताल सन्धिखर्कमा उपचार भइरहेको छ।
साथै बुटवल जादै गरेका दुवै व्यापारीहरु माथि एक्कासी आक्रमण गरी गोली चल्नुको कारण अझै खुल्न सकेको छैन ।
– अर्घाखाँची डट्कम
Copyright 2013 Arghakhanchi.Com. All rights reserved. This material may not be published, broadcast, rewritten or redistributed.
अर्घाखाँचीडट्कमलाई सहयोग गर्न तल देखिने विज्ञापनहरुमा बारम्बार क्लिक गर्नुस्।
फाल्गुन ७ गते, २०६९ मा प्रकाशित
