ओबामाद्धारा लामो समयदेखी विवादित सार्वजनिक खर्च कटौतिको प्रस्तावमा हस्ताक्षर

 खर्च कटौति विधेयक पारित हुनुपर्ने अन्तिम दिन हिजो भएको वार्तामा पनि रिपव्लीकन पार्टीसँग सहमति हुन नसकेपछि ओबामा विधेयकमा हस्ताक्षर गर्न बाध्य हुनुभएको हो । अव सन् २०१३ को अमेरीकी वजेटमा ८५ विलीयन डलर कटौति हुने छ । जसमा सुरक्षा खर्चमा ४३ विलीयन, गैर सुरक्षा खर्चमा २६ विलीयन, स्वास्थ्य सेवामा ११ र अन्य क्ष्ोत्रमा ५ विलीयन डलर खर्च कटौति हुने छ । यसअघि राष्ट्रपति ओबामाले बजेट कटौतिको साटो बार्षिक १ मिलीयन अमेरीकी डलर भन्दा माथी आय भएकाहरुलाई कर बढाउने प्रस्ताव गर्नुभएको थियो । 

सार्वजनिक खर्च कटौतिपछि शिक्षा , स्वास्थ्य, सामाजिक सुरक्षा जस्ता विषयमा राज्यले दिदै आएको अनुदान घटने छ । यसले त्यहाँका मध्यमबर्गीय नागरीकहरुलाई असर पर्ने बताइएको छ । खर्च कटौतिले विश्वव्यापी आर्थिक वृद्धिमा पनि गम्भिर धक्का लाग्न सक्ने अन्तराष्ट्रिय मुद्राकोषले चेतावनी दिएको विविसी अनलाइनले जनाएको छ ।

AGENCIES