प्रधानन्यायाधीश खिलराज रेग्मीको नेतृत्व अस्वीकार गरेको नेकपा-माओवादीसहितका साना दलले नेपाल बन्दको घोषणा गरेका छन् । आफ्नो मागको कुनै वास्ता नगरी प्रमुख दलले एकतर्फी निर्णय गरेको तथा आफूहरुले विरोध गर्दा प्रहरी प्रशासनले हस्तक्षेप गरेको भन्दै्र आज मध्यान्ह १२ बजेदेखि नेपाल बन्द आव्हान गरेको नेकपा माओवादीका उपाध्यक्ष सीपी गजुरेलले जानकारी दिनुभयो ।
रेग्मीले प्रधामन्त्रीको सपथ खाइरहँदा नेकपा-माओवादीसहितका साना २२ दलले शीलत निवासमा नाराबाजीसहित प्रदर्शन गरेका थिए ।
मुस्ताङ छाडेर स्कार्पियोमा सानेपा हुइँकिए निवर्तमान प्रम भट्टराई
अन्तरिम चुनावी मन्त्रिपरिषद्का नवनियुक्त अध्यक्षको शपथ ग्रहण समारोहका लागि राष्ट्रपतिको कार्यालय शितल निवासमा मुस्ताङ म्याक्स चढिआएका निवर्तमान प्रधानमन्त्री बाबुराम भट्टराई स्कार्पियो गाडी चढेर आफ्नो पुरानो निवास सानेपा हुँइकिएका छन्। उता, खिलराज रेग्मी बा १ झ ५४५६ नम्बरको गाडीबाट प्रधानमन्त्री कार्यालय पुगेर पदबहाली गरेका छन्। उनीसँगै दुई मन्त्री पनिले पनि पदबहाली गरेका छन्। केही समयमा मन्त्रिपरिषद्को बैठक छ।
चैत्र १ गते, २०६९ मा प्रकाशित
