अर्घाखाँचीको एसएलसी : पहिलोदिनमा १ निरिक्षक सहित दुई बिद्यार्थी निष्कासित

परिक्षाको मर्यादा विपरित काम गरेको भन्दै एसएलसी परिक्षाको पहिलो दिन विहिवार अग्रेजी विषयमा २ जना परिक्षार्थी र १ जना निरिक्षक अर्घाखाँची बाट निष्कासित भएका छन् ।

 

परिक्षाको निर्देशन विपरित काम गरेको भन्दै सितापुर केन्द्रबाट जनजागृती प्रावि सिद्धाराका शिक्षक १ जना र मरेङ्ग केन्दबाट विरेन्द्र उमावी मरेङ्गकी १ जना छात्रा र बल्कोट केन्द्रबाट चन्द्र मावी चिदिकाकी १ छात्रा  गरि तिन जना निष्कासित भएको जिल्ला शिक्षा अधिकारी मित्रमणी खनालले जानाकारी दिए । 

निष्कासित भएका शिक्षकलाई तत्काललाई निरिक्षकबाट हटाइएको जनाईएको छ भने थप कावार्ही पछि गरिने कार्यालयले जनाएको छ । 

१९ केन्द्रमा ५ हजार ५ सय ६४ विद्यार्थी परिक्षामा सामेल रहेको जिल्ला शिक्षा कार्यलय अर्घाखाँचीका उपसचिव राम प्रसाद पाण्डेले जानाकारी दिए । शुक्रवार नेपालीको परिक्षा हुने छ । अघिल्ला वर्ष भन्दा पनि यो वर्षझनै परिक्षा मर्यादित भएको सरोकारवालाको भनाई रहेको छ ।