होली महोत्सबले ततायो सन्धिखर्क

अर्घाखाँचीको सन्धिखर्कमा भएको होली महोत्सबले सन्धिखर्कको माहोल तताएको छ । होली महोत्सब हेर्न आएका र्सबसाधारणहरु होली गितमा छमछमती नाचेका छन ।

होलीको अबसरमा बाजा गाजाका साथ गाइने होली गित बिस्तारै लोप हुन थालेको भन्दै संस्कृति संरक्षण मञ्च अर्घाखाँचीले सन्धिखर्कको शान्ती बगैचामा होली महोत्सबको आयोजना गरेको मञ्चका अध्यक्ष जनार्दन खनालले बताउनु भयो ।

मित्रता, आत्मीयता, सामीप्य र सद्भाव दर्शाउने होली पर्बको अबसरमा राखिएको होली महोत्सबमा खन, खनदह र सन्धिखर्क ५ तुमकोटका स्रस्टा तथा कलाकारहरुले होली सम्बन्धि गित गाएर तथा नाचेर र्सबसाधारणको मन जितेका थिए ।

 

होली गित दुइ समुहमा आमन्न्ने सामन्ने भएर गाइन्छ भने बजा बजाउनेहरु अन्य नाच्ने कलाकार संग बिचमा छमछमी नाच्ने गर्दछन । होली गितमा राम लिला , कृष्ण लिला र शिब भजन पनि गाइने होली गित गाउने कलाकार खनका गौरीसंकर खनालले बताउनु भयो ।

 

मित्रता, आत्मीयता, सामीप्य र सद्भाव दर्शाउन साथीसङ्गी, आफन्तजनसँग मुख्यगरी रङ्ग तथा अबीर लगाउने प्रचलन पनि होलमिा रहेको छ ।

 

पछिल्लो समय बेलुनमा रङ्ग भरेर लोला हान्ने प्रचलन पनि बढ्दै गएको छ । दैत्यराज हिरण्यकशिपुले विष्णुभक्तिबाट विजलित पार्न नसकेपछि आफ्ना पुत्र प्रल्हादलाई मार्ने उद्देश्यले ब्रहृमाबाट आगोले छुन नसक्ने वरदान पाएकी बहिनी होलिकालाई दन्किरहेको आगोमा छोरा प्रहृलादसहित पस्न लगाउँदा होलिका भसम भएकी र भक्त प्रहृलाद भने आगोबाट सकुशल निस्केको प्रसङ्ग पुराणमा उल्लेख छ ।

यसैको सम्झनास्वरुप शक्तिको दुरुपयोग गर्ने पाप प्रवृत्तिकी प्रतीक होलिका मारिएको उपलक्ष्यमा होलिकादहन भनी चीरदाह गरेर आपसमा रङ्ग, अबीर दलेर खुसीयाली मनाई होली खेल्ने परम्पराको थालनी भएको मानिन्छ ।