निर्वाचन आयोगद्धारा समय अपुग हुने भन्दै असारमा चुनाव गर्न नसक्ने संकेत

 
आयोग पदाधिकारीले दलका शीर्ष नेताहरुलाई सबै कानूनी जटिलताको हल र निर्वाचनको मिति घोषणा भएपछि मात्र निर्वाचनको कामलाई तिव्रता दिन सकिने भन्दै त्यसका लागि वातावरण बनाउन आग्रह गरेका थिए ।

मतदाता नामावली संकलन, दल दर्ता, मतपत्र छपाई जस्ता काममा निकै समय लाग्ने भन्दै आयोग पदाधिकारीहरुले कानूनी जटिलता हटाउनका लागि ठोस पहल गर्न नेताहरुलाई आग्रह गरेका बताइएको छ ।

 
यसैबीच आयोगले निर्वाचन ऐन, कानून संशोधनको मस्यौदा तयार गरेको छ । मस्यौदामाथि छलफल गर्न आयोगले भोलि नै सर्वदलीय बैठक डाकेको छ ।

सर्वदलीय बैठकबाट सुझावहरु संकलन गरी कानून संशोधनका लागि मन्त्रिपरिषद्मा पठाउने आयोगको तयारी छ ।

RSS