पोखरा, चैत्र २१ । कास्कीको बेगनास तालमा आज दिउँसो डुंगा पल्टिंदा एकै परिवारका दुई बालिकाको डुबेर मृत्यु भएको छ भने तीन जना वेपत्ता भएका छन् ।
मृत्यु हुनेमा ६ वर्षकी दिदि ईविना र २ वर्षकी बहिनी अनुष्का गुरुङ रहेका छन् । वेगनास ताल पारी ड्राई पिकनिक गएका उनीहरु फर्कंदै गर्दा तालको माझी कुनाको पूर्वी भागमा आईपुग्दा अचानक आएको हुरीका कारण डुंगा पल्टिएको जनाइएको छ । डुंगामा आठ जना सवार रहेकोमा मृतक वालिकाकी आमा सुष्मा गुरुङ, काका प्रकाश गुरुङ र छिमेकी पुष्पा गुरुङ वेपत्ता भएका छन् ।
वेपत्ताहरुको खोजीका लागि तालमा सशस्त्र प्रहरी र जनपद प्रहरी परिचालन भएको जनाइएको छ । तीन जनाले भने पौडेर ज्यान जोगाउन सफल भएका छन् । डुंगामा रहेका मध्ये एक जनाले लगाएको लाइफ ज्याकेटमा झुण्डिएर तीन जनाले ज्यान जोगाएको बताइएको छ ।
RSS
चैत्र २१ गते, २०६९ मा प्रकाशित
