नब बर्ष २०७० सालको अर्घाखाँचीमा भब्य स्वागत

सन्धिखर्क, अर्घाखाँची । नब बर्ष २०७० सालको अर्घाखाँचीबासीले अनेकौ कार्यक्रम गरी भव्य स्वागत गरेका छन।

नब बर्षको उपलक्ष्यमा अर्घाखाँचीको सन्धिखर्क स्थित शान्ती बगैचामा एक स्थानिय लक्की डान्स सेन्टरले आयोजना गरेको नब बर्ष २०७० बिशेष साङगीतिक कार्यकमले दिनभर अर्घाखाँचीको शान्ती बगैचा गुन्जायमान बनायो ।

सो कार्यक्रममा आयोजकले राष्ट्रिय स्तरका लोक दोहोरी कलाकार रामजी खाड लगायत अन्यलाई पनि आमन्त्रण गरेको भएता पनि अदिकाम्श राष्ट्रिय स्तरका कलाकारहरु उपस्थित हुन सकेनन । यद्दपी स्थानिय स्तर कलाकार साङेगितिक समुहले बेजोड गीत तथा संगीत प्रस्तुत गरेका थिए । साथै आयोजक सस्था लक्की डान्स सेन्टरका कलाकारले नयाँ शैलिका न्रुत्य प्रस्तुत गरेका थिए । 

साथै कार्यक्रममा अर्घाखाँची डट्कमलाई मिडिया पार्ट्नरको रुपमा भूमिका खेलेको थियो। 

यसैक्रममा सो नयाँ वर्ष कार्यक्रममा जिल्ला भरबाट सयौ मानिसहरुको उपस्थित रहेको थियो। 

यसैगरी अर्घाखाँचीको प्रसिद्ध ऐतिहासिक तथा धार्मिक स्थल सुपा देउराली मन्दिरमा आज नव बर्ष २०७० को उपलक्ष्यमा पुजा आजा गर्न गएका धार्मिक तिर्थालुहरुको घुईचो लागेको थियो। 

बैशाखे संक्रान्ती एवम नव बर्षको उपलक्ष्यमा यस वर्ष पनि जिल्ला र जिल्ला बाहिरबाट सयौ तिर्थालुहरु आएका देखिन्थे।