अर्घाखाँचीमा अवैध हतियार संकलन

सन्धिखर्क, अर्घाखाँची – प्रहरीले १ सय ८२ थान संकलित हतियार सार्वजनिक गरेको छ । 

गाउँमा पुगेर प्रहरीले ईजाजत प्राप्त नभएका हतियार संकलन गरको हो । गाउँमा लुकाई राखेका अवैध हतियार घर-घरमै संकलन गरिएको हतियार मध्ये ११ जान बेसाबुत रहेको जनाएको छ । 

प्रहरी नायव उपरीक्षक हिराबहादुर पाण्डेले बुधवार सार्वजनिक गर्दै अवैध हतियार संकलन कार्य जारी रहेको बताए ।

तीन ईलाका र आठ प्रहरी चौकी सबै भरुवा बन्दुक एक महिनाको अवधीमा जम्मा भएका हुन । घरमा राखेका हतियार छन भने मातहतको  प्रहरी चौकीमा बुझाउन प्रहरीले सर्वसाधारणलाई अनुरोध गरेको छ । थप ३० दिन भित्र ल्याउन सुचना जारी भएको छ, उनले भने, त्यसपछि नल्याउनेलाई कानुन अनुसार कारवाही हुन्छ । 

अवैध हतियार मुक्त गराउन गृह मन्त्रालय र प्रहरी प्रधान कार्यालयको निर्देशन अनुसार हतियार संकलन गरिएको हो । सबैभन्दा बढी खिदिम प्रहरी चौकीले ४९ थान र सिद्धारा प्रहरी चौकीले ३२ थान भरुवा बन्दुक जम्मा गरेको छ ।

गाउँमा हतियार नभएपछि अपराध नियन्त्रणमा सहज हुने त्रास र अपराधी मनोवृद्धि हटने उनको भनाई छ ।