युबराज कंडेल
उच्च माध्यमिक शिक्षा परिषद सानोठिमी भक्तपुर द्वारा लिईने बोर्ड परीक्षा मंगलवार बाट शुरु हुदैछ। परीक्षाको लागी सम्पूर्ण तयारीहरु पुरा भैसकेको परिषदले जनाएको छ ।
भोलीदेखी संचालन हुने कक्षा १२ को परीक्षामा ३ लाख ९८ हजार एक सय १५ जना परीक्षार्थी सहभागी हुदैछन । बैशाख ३१ गते बाट संचालन हुने कक्षा ११ को परीक्षामा भने ४ लाख ३५ हजार १८ जना परीक्षार्थीले परीक्षा दिनेछन ।
उच्च माध्यमिक शिक्षा परिषद बुटवल कार्यालय अर्न्तर्गत पर्ने लुम्बिनी अंचलका ६ जिल्ला र राप्ती अंचलका प्युठान र रोल्पा गरि आठ जिल्लाहरुमा ८८ हजार ५१० जना बिद्यार्थीहरु यसवर्षो परीक्षामा सहभागी हुने कुरा परिषदको बुटवल कार्यालयले बताएको छ । गत वर्षयो क्षेत्रबाट ८९ हजार ७ सय ९२ जना परिक्षार्थीहरु परीक्षामा सामेल भए पनि यो वर्षपरीक्षार्थीको संख्या केहि घटेको देखिएको छ ।
परिषद को बुटवल कार्यालयका कार्यालय प्रमुख सुवास पन्तका अनुसार मंगलवार देखी शुरु हुने कक्षा १२ को परिक्षामा नियमित तर्फ २३ हजार ५ सय ४२ र आंशिक तर्फ १६ हजार ६ सय ५८ जना गरि कूल ४० हजार २०० जनाले परीक्षा दिदैछन।
कुल परिक्षार्थीहरु मध्ये १८ हजार ५ सय ३३ जना छात्र र २१ हजार ५ सय ३३ जना छात्रा रहेका छन् । कक्षा ११ को परीक्षामा भने ४८ हजार ३ सय १० जना सहभागी हुदैछन । कक्षा ११ का कूल परिक्षार्थीहरु मध्ये २८ हजार ६ सय एक जना नियमित तर्फर १९ हजार ९०७ आंशिक तर्फा बिद्यार्थीहरु रहेका छन् ।
परिषद्को बुटवल कार्यालयका अनुसार यसपालिको परीक्षामा लुम्बिनी अंचलका ६ जिल्लाबाट ८० हजार ५ सय ६९ विद्यार्थीले परीक्षा दिदैछन । कार्यालय श्रोतका अनुसार रुपन्देही जिल्लामा सबै भन्दा बढी परिक्षार्थीहरु रहेका छन । रुपन्देहीका २९ वटा परीक्षा केन्द्रमा २९ हजार ५ सय २ जना परीक्षार्थीले परीक्षा दिदैछन । यसपाली गुल्मी जिल्लामा सबै भन्दा कम परिक्षार्थीहरु रहेका छन । यहाका १३ वटा परीक्षा केन्द्रमा ७ हजार ५ सय परिक्षार्थीहरु रहेका छन ।
कक्षा ११ र १२ को परीक्षाको लागी लुम्बिनी अन्चलमा ८८ वटा परीक्षा केन्द्रहरु निर्धारण गरिएको छ. परीक्षालाई मर्यादित र व्यवस्थित बनाउन सबै केन्द््ररुमा आवस्यक सबै सामाग्रीहरु पुर्याइसकेको र केन्द्राध्यक्ष, निरीक्षक र पर्यवेक्षक लगायत सबै जनशक्ती खटाइसकेको परिषदका बोर्ड सदस्य घनस्याम पाठकले जानकारी दिनुभएको छ ।
बैशाख १६ गते, २०७० मा प्रकाशित
