प्यारो लाग्छ

मेची कोशी सगरमाथा राप्ती,नारायणी !
भेरी सेती महाकाली, डोटी प्यारो लाग्छ!!

आशा अब छैन बाकीं शिंहासनमा बस्ने!
मेरै गाउँ झुप्रे घरको कोठी प्यारो लाग्छ!!

जन्माएर यो संसारमा नौलो किरण छर्ने !
मेरी आमा बुढी हुन या थोती प्यारो लाग्छ !!

श्रम सिप सिर्जिएर आफ्नै देशभित्र !
पसिनाले उमारेको मोती प्यारो लाग्छ !!

औशीको त्यो कालो रातमा अध्यारो लाई हर्न!
जुनकिरी झैं बिखर्चिको ज्योती प्यारो लाग्छ!!