बैशाख ३० गते, २०७० मा प्रकाशितपाकिस्तान । पाकिस्तानमा शनिवार सम्पन्न संसदीय चुनावमा जीतको दाबी गरेका पूर्व प्रधानमन्त्री नवाज सरिफले नयां सरकार गठनका लागि छलफल थालेका छन् । यद्यपी औपचारिक मत परिणाम भने सार्वजनिक भैसकेको छैन् । अनौपचारिक मत परिणामहरुले सरिफको पाकिस्तानको मुश्लिम लिग पार्टीले बहुमत प्राप्त गर्ने देखाएपनि उहांलाई सरकार गठनका लागि भने अरु दलको साथ चाहिने देखिएको छ ।
सरिफले मन्त्रीमण्डलमा सहभागि गराउनृ केही स्वतन्त्र सांसदसंग पनि छलफल गरेको मुश्लिम लिगले जनाएको छ । यसपटकको आमचुनावपछि पाकिस्तानको ६६ बर्षे राजनीतिक ईतिहासमा एउटा निर्वाचित नागरिक सरकारले अर्को निर्वाचित सरकारलाई पहिलो पटक सत्ता हस्तान्तरण गर्नेछ । चुनावमा सत्तारुढ पाकिस्तान पीपुल्स पार्टीले भने नराम्रो पराजय व्यहोरेको छ । चुनाव पछि मुख्य विपक्षी दलका नेता बन्ने सम्भावना रहेका पूर्व क्रिकेटर एवं जमात तहरिके ए इन्साफ पार्टीका नेता इमरान खानले मतदान प्रतिशत उच्च रहेपनि अनियमितताले भने निराश बनाएको प्रतिक्रिया दिएका छन् ।
अन्य समाचारहरु
