बल्कोटको साजबोटमा ३ दिने उन्नत घाँसेबाली सम्बन्धि तालिम सम्पन्न

किसानको लागि उन्नत विउ विजन कार्यक्रम अर्न्तगत जिल्ला पशु सेवा कार्यालयको आयोजनामा बल्कोटमा रहेको घाँस विकास समूहलाई उन्नत घाँसेबाली विकास तथा व्यवश्थापन सम्बन्धि ३ दिने तालिम हालै बल्कोट ३ साजवोटमा सम्पन्न भएको छ । 

तालिममा विभिन्न किसिमका घाँसका बारेमा छलफल गरिएको थियो । किसानलाई  घाँस लगाउने तरिका , वीउ उत्पादन कसरी गर्ने, यसको फाइदा महत्व लगायतको बारेमा तालिम दिएको थियो । 

तालिमको सहजिकरण जिल्ला पशु सेवा कार्यालयका प्रमुख अमृत कुमार मास्के ,पशु सेवा केन्द बल्कोट्रका प्रमुख नारायण प्रसाद खनालले गर्नु भएको थियो । तालिममा बल्कोट ,केरुङ्गा ,चिदीका समेतका किसान गरी २० जनाको सहभागिता रहेको थियो ।

Copyright 2013 Arghakhanchi.Com. All rights reserved. This material may not be published, broadcast, rewritten or redistributed.